Nanawagan ang ilang kongresista sa mga law enforcement agency sa bansa na magsanib-puwersa upang agarang madakip si Senador Ronald Dela Rosa.
Ito ang tugon ni House Prosecutor at Bicol Saro Partylist Representative Terry Ridon, matapos ibasura ng Supreme Court ang petisyon ni Sen. Dela Rosa laban sa arrest warrant ng International Criminal Court.
Ayon naman kay Akbayan Partylist Representative Perci Cendaña, magsisilbing “go signal” sa mga law enforcement authority ang pasya ng Korte Suprema upang magsagawa ng nationwide manhunt laban kay Sen. Dela Rosa, na tinawag niyang international fugitive.
Aniya, dapat ding managot ang mga umano’y nagkanlong sa senador.
Samantala, para kay House Prosecutor at Mamamayang Liberal Partylist Representative Leila de Lima, panahon na upang sumuko si Sen. Dela Rosa kasunod ng desisyon ng High Tribunal.
Aniya, maitutuiring itong bahagi ng due process para sa senador, hindi gaya ng sinapit ng libo-libong Pilipinong nasawi sa ilalim ng war on drugs ng administrasyong Duterte. —sa panulat ni Reabelle Medina
