Nakapagtala ng 152 volcanic earthquakes ang Bulkang Taal sa nakalipas na 24 oras.
Ayon sa Philippine Institute of Volcanology and Seismology (PHIVOLCS), kabilang din dito ang 33 volcanic tremor events na tumagal ng isa hanggang dalawang minuto, 114 low frequency volcanic earthquakes at limang hybrid events.
Nakita rin ang mahinang pagpapakawala ng usok sa crater ng Taal na umaabot sa 900 metro ang taas.
Nananatili sa alert level 2 o increased unrest ang Bulkang Taal.
