Nabawasan na ang bilang ng COVID-19 patients sa Baguio City kasunod na rin ng pagbaba ng mga kaso sa lungsod.
Ayon kay Dr. Paul Quitiquit ng Saint Louis University – Hospital of the Sacred Heart, problema nalang aniya ang mga pasyenteng naa-admit sa ospital na kalauna’y nagpopositibo sa virus.
Karamihan naman aniya sa severe cases sa ospital ay mga indibidwal na may comorbidities at hindi pa nakakakumpleto ng bakuna.
Samantala, gayundin ang senaryo sa Bangsamoro Autonomous Region of Muslim Mindanao (BARMM), ayon sa Director-General ng kanilang Ministry of Health na si Dr. Ameril Usman.
Aniya ang mga bagong kaso sa lugar ay asymptomatic o mild cases na lamang.
Nasa 1,097 ang aktibong kaso ng COVID-19 sa rehiyon, kung saan 577 ang nasa quarantine facilities, 231 ang nananatili sa mga pagamutan, at 289 pasyente naman ang naka-isolate sa mga tahanan.