Kinumpirma ng Department of Foreign Affairs na walang Pilipinong nadamay sa insidente ng pamamaril sa Bondi (Bon-dai) Beach sa Sydney, Australia.
Naganap ang insidente nitong linggo, sa pagsisimula ng pagdiriwang ng Hanukkah, na isang Jewish celebration na dinadaluhan ng maraming tao.
Sa pinakahuling ulat, aabot na sa labing-anim ang patay, kabilang ang isang suspek, habang hindi naman bababa sa apatnapu ang sugatan.
Samantala, nagpaabot naman ng pakikiramay ang DFA sa mga biktima at pamilya ng mga ito, kasabay ng pagpapaalala sa Filipino community sa Sydney na maging alerto at sundin ang mga abiso ng mga otoridad.
—Sa panulat ni Daniela De Guzman
