Sa harap ng isinusulong na Digital Philippines ng pamahalaan , mas pinalalakas ng Globe ang digital foundation ng bansa sa pamamagitan ng mas malawak na imprastruktura, makabagong negosyo, at mas madaling access para sa lahat. Base sa third-quarter 2025 results, nananatili ang matibay na pangako ng telco na tulungan ang Pilipinas na maging mas competitive sa digital age. Tumaas ng 13% ang Corporate Data revenues ng Globe dahil sa tumataas na pangangailangan para sa connectivity, cybersecurity, Internet of Things (IoT), at data center solutions—mga serbisyong mahalaga sa digital economy. Kabilang sa mga proyekto ang ST Telemedia Global Data Centres (Philippines), joint venture ng Globe, STT GDC, at Ayala Corporation. Nagsimula na ang operasyon ng unang data center sa STT Fairview 1, at kasunod nito ang Cavite 2 site, na idinisenyo para sa hyperscale, AI, at enterprise workloads. Samantala, habang lumalawak ang negosyo, mas pinalawak din ng telco ang connectivity nito sa buong bansa, na ngayon ay umaabot na sa 96.13% ng populasyon. Nakipagtulungan ang Globe sa unconnected.org, isang UK-based group na tumutulong magbigay ng internet sa mga lugar na kulang sa serbisyo. Magkasama nilang dinadala ang internet sa malalayong paaralan at Geographically Isolated and Disadvantaged Areas (GIDAs), para mabigyan ng pagkakataon ang mga estudyante, guro, at residente na makinabang sa digital tools para sa pag-aaral at kabuhayan. “Ang mga investment ng Globe sa infrastructure at enterprise solutions ay mahalaga para mabuo ang digital backbone ng bansa,” ayon kay Carl Cruz, Globe President at CEO. “Habang yumayakap ang mga negosyo at institusyon sa digital transformation, nandito ang Globe bilang kanilang katuwang.” Sa pamamagitan ng pakikipagtulungan at responsableng inobasyon, patuloy na tinutulungan ng Globe ang bansa na maging handa para sa isang digital, AI-driven na kinabukasan.
