Itinalaga ni Pangulong Rodrigo Duterte ang kanyang kapartido sa PDP-Laban na si Noel Kinazo Felongco bilang bagong chairman ng Presidential Commission for the Urban Poor o PCUP.
Papalitan ni Felongco ang sinabak na si Terry Ridon dahil sa madalas nitong pagbiyahe sa abroad.
Si Felongco ay dating nagsilbi bilang presidente ng PDP-Laban sa Central Visayas Chapter at dati ring umupo bilang Undersecretary ng Department of Environment and Natural Resources o DENR.
A-primero pa ng Pebrero nang lagdaan ni Pangulong Duterte ang appointment paper ni Felongco.
Samantala, maliban kay Felongco, itinalaga rin ng Pangulo si Romeo Halasan Jandugan bilang commissioner ng PCUP.
—-
