Naniniwala ang Coalition of Filipino Commuters o CFC na imposibleng maipatupad ang total parking ban sa Metro Manila.
Isa sa mga itinuturong dahilan ni C.F.C. lead convenor Ira Panganiban ang patuloy na pagdami ng mga sasakyan na aabot na sa mahigit dalawang milyon.
Aminado si Panganiban na tutol din ang mga negosyante na ipagbawal ang street parking dahil maaaring maapektuhan ang kanilang hanapbuhay.
Sa kabila nito, ipinunto ng transport advocate na dapat mas tutukan ng gobyerno ang kapakanan ng mga commuter lalo’t mas madalas ding apektado ang mga pasahero kapag may mga umuusbong na problema sa sektor ng transportasyon, gaya ng pagtaas ng krudo at pasahe sa public utility vehicles.
