Unti-unti nang nagtataas ang presyo ng mga prutas habang papalapit ang kapaskuhan.
Sa Marikina Public Market ang dating 10 pisong presyo ng mansanas na hindi naman seasonal ay 17.50 na mula sa dating 10 piso kada piraso at ang dating 25 pesos na malaking mansanas ay nagkakahalaga na ngayon ng 35 pesos.
Halos doble naman ang presyo ng Korean pear na mula sa dating 70 pesos ay 120 pesos na samantalang ang lokal na peras ay tumaas ng 10 piso at ngayo’y 35 pesos na kada isa.
Sumipa naman sa 420 pesos ang presyo ng kada kilo ng ubas mula sa dating 250 hanggang 280 psesos subalit medyo mura ang kada kilo ng grapes galing China na ngayo’y 250 pesos ang kilo mula sa dating 150 hanggang 180 pesos.
Tumaas din ang presyo ng abukado na 400 pesos ang kilo, mangga – 220 pesos, chico – 200 pesos at dragon fruit – 300 pesos.
Ibinala ng mga vendors ang pagsirit pa ng presyo ng mga nasabing prutas habang papalapit ang mismong araw ng pasko.
