Nadagdagan pa ang bilang ng mga indibidwal na nawawala matapos magtungo sa sabungan.
Batay sa huling tala ng Criminal Investigation and Detection Group (CIDG), umakyat na sa 26 ang mga nawawala kung saan kabilang dito ang isang babaeng apat na buwang buntis.
Sinabi naman ni Santa Cruz Laguna Police chief police Lt. Col. Paterno Domondon na hindi pa sila makapagsampa ng kaso sa sinuman dahil kulang pa ang kanilang hawak na ebidensya.
Hinimok naman ng CIDG ang mga may-ari ng sabungan na makipagtulungan sa isinasagawang imbestigasyon.
