Nakatanggap ng mga pagbabanta sa kaniyang buhay ang beteranong reporter na si Jesus “Jess” Malabanan bago siya pinatay ng dalawang armadong lalaki sa Calbayog City, Western Samar.
Ito ang nalaman sa pamilya at mga kaibigang mamamahayag ni Malabanan, isang dating pampanga–based journalist na lumipat sa Calbayog City.
Bumuo na si Police Regional Office (PRO) 8 Director Police Brigadier General Rommel Bernardo Cabagnot ng Special Investigation Task Group (SITG) upang resolbahin ang kaso ng pagpatay kay Malabanan.
Samantala, nanawagan naman si ACT-CIS Partylist Representative Rowena Niña Taduran, sa PNP na agad lutasin upang mabigyan ng katarungan ang ang pagpatay kay Malabanan. —sa panulat ni Kim Gomez
