Iginiit ng OCTA Research Group na dapat pa ring pagsuotin ng face mask ang mga bata, lalo ang mga hindi pa bakunado kontra Covid-19.
Tugon ito ni OCTA Research Fellow, Dr. Guido David kaugnay sa pagpayag ng gobyernong makalabas ng bahay ang mga bata sa Metro Manila at ulat na isang paslit ang nahawa matapos pumunta sa mall.
Ayon kay David, mas dapat ikabahala ang paglabas ng bahay ng mga hindi bakunado, kabilang ang mga bata at senior citizen na may commorbidity.
Napaulat kamakailan na may mga bata sa mga mall at park ang hindi nagsusuot ng face mask.
Inihalimbawa pa ni David ang Britanya kung saan muling nakararanas ng covid surge dahil sa hindi pagsusuot ng face masks ng mga residente. —sa panulat ni Drew Nacino
