Nilinaw ng Quezon City Government na hindi nila tauhan ang Traffic personnel na sumita sa isang babaeng pasahero na hindi pinasakay sa EDSA-Bus Carousel kahit mayroon pa lamang itong 1st dose ng COVID vaccine.
Ayon sa LGU miyembro ng PNP-Highway Patrol Group ang sumita sa babaeng papasok sana sa trabaho na nagpakita ng vaccination card na inisyu ng lungsod.
Umapela naman ang pamahalaang-lungsod sa lahat Public servant na maging mas maingat at makatao sa pagpapatupad ng mga polisiya, patakaran at batas.
Sa kabila nito, tiniyak ng local government na magiging maunawain sila sa mga naturukan pa lamang ng first dose ng bakuna o ang mga may medical condition na hindi nagpabakuna.
