Ipinatupad na ang full lockdown sa Batasang Pambansa Complex bilang bahagi ng security measures sa kauna-unahang State of the Nation Address (SONA) ni Pangulong Ferdinand “Bongbong” Marcos Jr.
Ayon kay House Secretary General Llandro Mendoza, nagsimula ang lockdown sa Batasan kagabi at handang handa na aniya sila para sa gaganaping SONA sa Lunes.
Kinumpirma na rin aniya ng nasa 90% ng mahigit 1,300 panauhin ang kanilang pagdalo sa event.
Una na ring sinabi ni Mendoza na nais ni Pangulong Marcos na gawing simple lamang ang kanyang SONA.
