Nakaranas ng power outages ang ilang bahagi ng Southern Luzon at Samar matapos ang pananalasa ng bagyong Jolina.
Ayon sa Department Of Energy, apat na transmission lines ang pumalya sa Samar at Laguna kaya’t naapektuhan ang Esamelco at Samelco maging ang Batelec 2 sa Batangas.
Apektado rin ng power outage ang gagalangin, sa Tondo, Maynila matapos masira ang isang poste ng kuryente kahapon.
Dahil dito, pansamantalang isinara sa mga motorista ang Pampanga Street.
Sa kabila nito, tiniyak ng DOE na sapat ang supply ng kuryente sa mga nabanggit na lugar. —sa panulat ni Drew Nacino
