Humiling ang Philippine General Hospital (PGH) ng dagdag Sinovac vaccine sa pamahalaan.
Ito’y dahil maraming health workers na ang nais magpabakuna gamit ang china made Sinovac COVID-19 vaccine.
Ayon kay UP-PGH Spokesperson Jonas Del Rosario, nagsabi ang ilang health workers na handa na silang maturukan ng bakuna.
Nakatulong din aniya ang pagpapaturok ng hepe ng ospital na si Dr. Gerardo Legaspi dahil mas nakumbinsi nito ang ibang health workers para magpabakuna kontra COVID-19.
Magugunitang, maraming nasa 12% mula sa 92% health workers lamang ang gusto magpabakuna gamit ang Sinovac vaccine.
Samantala, tiwala si Health Spokesperson Maria Rosario Vergeire na tataas pa ang bilang ng magpapabakuna ng Sinovac sa mga susunod na araw.— sa panulat ni Rashid Locsin
