Sumirit na sa 555,163 ang kabuuang bilang ng coronavirus disease 2019 (COVID-19) sa bansa.
Ito’y matapos makapagtala ng Department of Health (DOH) ng karagdagang 1,744 panibagong COVID-19 cases ngayong Huwebes, Pebrero 18.
Nasa 31,115 naman ang active cases.
Samantala, 412 naman ang nadagdag sa bilang ng mga gumaling sa sakit kaya’t umakyat na 512,375 ang total recoveries
Habang 96 naman ang karagdagang bilang ng mga nasawi sa virus kaya’t nasa 11,673 na ang death toll ng coronavirus sa bansa. —sa panulat ni John Jude Alabado
