Umaasa si Sen. Francis “Kiko” Pangilinan na walang magiging isyu ng kickback sa naunsyaming bakuna kontra COVID-19 ng Pfizer.
Sinabi ni Pangilinan na kung sakaling mapatunayan na mayroong nagkulang sa nabulilyasong pagde-deliver sana ng maaga ng bakuna sa bansa dapat itong ipagharap sa kaukulang kaso.
Aniya maibibilang itong paglabag sa Anti-Graft and Corrupt Practices Act.
Una rito, naghain si Pangilinan ng resolusyon para hilingin na mabuo ang Senado bilang Committee of the Whole para mabusisi ang national vaccination plan na pinaboran naman ng mga senador.
