Aarangkada na ang mahigit sa 1,000 karagdagang tradisyonal na jeepneys sa Miyerkules, August 26.
Ayon sa LTFRB, 23 pang ruta ang kanilang binuksan para sa mga traditional jeepneys.
Wala nang kukuning special permit subalit kailangang mag-download sa website ng LTFRB ng QR code na dapat naka-print sa short bond paper at naka-display sa jeepney.
Ipinaalala rin ng LTFRB ang pagsunod sa safety measures tulad ng pagsuri sa body temperature, pagsusuot ng facemask, face shield at gloves sa lahat ng oras at pag-operate ng 50% na maximum passenger capacity.
Kabilang sa mga bagong bukas na ruta ang Napocor Village/NIA Ville – SM North EDSA, Napocor/NIA Ville – Mindanao Ave. Congressional, Bagbaguin – Malinta, Katipunan – Marcos Ave./University Ave. Via UP, Libertad – PRC, Santol – Pina Ave. Via Buenos Aires, Blumentritt – Divisoria, Blumentritt – Libertad via Sta. Cruz, L. Guinto, Libertad – Retiro via Mabini, Sta. Cruz, L Guinto, España – Rizal Ave. via Blumentritt, Blumentritt – Retiro, Arroceros – Blumentritt via Dimasalang, Ayala – P. Burgos/J.P. Rizal, Baclaran – Blumentritt via Mabini, Sta. Cruz, Baclaran – Blumentritt via Quiapo/Mabini, Dapitan – Pier South, Divisoria – Libertad via L. Guinto, Divisoria – Libertad via Mabini, Divisoria – TM Kalaw via Jones Bridge, España – Project 2&3 via Timog Ave, Project 4 – TM Kalaw via Cubao, E. Rodriguez, Pier South – Retiro Via Sta. Cruz, Multinational Village – Gate Along Imelda Ave.
