Aabot sa 3,982 members ng Tricycle Operators and Drivers’ Association (TODA) sa Quezon City ang nakatanggap ng fuel vouchers bilang tulong sa sunod-sunod na oil price increase.
Nitong martes nang ipamahagi ni Quezon City Mayor Joy Belmonte ang limang daang pisong fuel vouchers sa unang batch ng TODA members.
Ayon kay Belmonte, batid nila na ang pangangailangan ng sektor ng transportasyon ng lungsod.
Kamakailan lamang nang magpasa ang Quezon City Council ng isang ordinansa hinggil sa fuel subsidy program para sa mahigit 25,000 miyembro ng QC TODAs, kung saan makatatanggap ang mga kwalipikadong tricycles-for-hire ng 1,000 pesos na fuel subsidy sa pamamagitan ng isang fuel voucher.
Gayunman, hindi pa naisasapinal ng lokal na pamahalaan ang Implementing Rules and Regulations (IRR) at guidelines para sa proseso ng distribusyon nito.