Nanawagan ang Ang Probinsyano party-list sa pamahalaan na ipagpaliban na lamang ang pagbubukas ng school year 2020-2021.
Ayon kay party-list Representative Ronnie Ong, magandang pakinggan ang online classes subalit ang reyalidad anya ay hindi ito makakayang ipatupad dahil sa kakulangan at limitadong imprastraktura at hindi naman lahat ay may internet.
Mahirap rin anyang intindihin kung paano ipatutupad ang blended learning na gagamitan ng radyo at telebisyon.
Binigyang diin ni Ong na mahalaga ang edukasyon subalit mas mahalaga sa ngayon ang kalusugan at kaligtasan ng mga estudyante.
