Sinampahan ng kasong homicide ng Quezon City Police District (QCPD) laban sa sariling tauhan nito na bumaril at nakapatay sa retiradong sundalo sa isang quarantine checkpoint sa lungsod, Martes ng nakalipas na linggo.
Ayon kay QCPD Director P/Bgen. Ronnie Montejo, nakabatay aniya ang isinampa nilang kaso laban kay P/Msgt. Daniel Florendo Jr sa mga nakalap nilang ebidensya kabilang ang CCTV footage at salaysay ng mga kaanak ni retired Cpl. Winston Ragos.
Maliban aniya sa QCPD, sinabi ni Montejo na nagsampa na rin ng kaso ang pamilya ni Ragos laban kay Florendo.
Mananatili namang nasa kostudiya ng Criminal Investigation and Detection Unit (CIDU) ng Quezon City si Florendo habang gumugulong ang imbestigasyon laban sa kaniya.
