Malaking hamon pa rin para sa Department of the Interior and Local Government (DILG) ang mga pasaway na illegal vendors na bumabalik pa rin sa mga kalsada.
Ito’y kahit pa puspusan ang ikinakasang mga clearing operations ng mga Local Government Units (LGU) alinsunod na rin sa direktiba ni Pangulong Rodrigo Duterte na linisin ang mga ito upang paluwagin ang daloy ng trapiko.
Partikular na tinukoy ni Año ang mga lugar sa bansa na kanilang binabantayan tulad ng Maynila, Pasig City at Baclaran sa Parañaque kung saan marami ang mga illegal vendors.
Kaya naman umaasa ang kalihim na makapagpapasa ng ordinansa sa lalong madaling panahon ang lahat ng mga Local Government Units na tutulong sa illegal vendors na mabigyan ng tamang puwesto sa kanilang negosyo.
With report from Jaymark Dagala
