Itinanggi ni Philippine Charity Sweepstakes Office (PCSO) chairman Jose Jorge Corpuz ang akusasyon na may kinalaman umano siya sa planong pagpatay sa gambling operator na si Charlie “Atong” Ang.
Ayon kay Corpuz, inaasahan na nila ang nasabing alegasyon dahil sa pagpapalawig sa operasyon ng small town lottery kung saan ang pagpili nila sa authorized agent corporations ay dumaraan sa proseso.
Ipinagtanggol naman ng opisyal sina Justice Secretary Vitaliano Aguirre at National Security Adviser Hermogenes Esperon sa akusasyon ni ang na nasa likod umano ng assassination attempt.
Magugunitang isiniwalat ng negosyante ang balak nina Corpuz, Aguirre at Esperon na pahinain ang virtual jai alai operations ng Meridien Vista Gaming Corporation, kung saan siya ang general manager, upang i-promote ang small town lottery.
By Drew Nacino
