Malaki ang itinaas ng net worth ni Senate President Pro Tempore Panfilo Lacson hanggang noong June 2025.
Ito ay kung ikukumpara sa kanyang net worth noong umalis siya sa Senado noong 2022.
Ayon kay Lacson, noong June 30, 2022, ang kanyang net worth ay P58,771,409.62.
Pero noong magbalik siya sa Senado ay naging P244,940,509.60 ang kanyang net worth hanggang noong June 30, 2025.
Ayon kay Lacson, noong 2022 ang isinumite at binayaran na income tax returns ay P4,817,265 para sa taxable year 2021.
Habang ang isinumite niya na ITR noong 2025 para sa taxable year 2024 ay P11,834,033.37.
Paliwanag ni Sen. Lacson, noong umalis siya sa Senado, siya at ang kanyang dalawang business partners ay pumasok sa lehitimo at matagumpay na estate at trading business activities.
Ito anya ang dahilan bakit biglang tumaas ang kanyang net worth.
Ayon kay Lacson, ibibigay niya ang dagdag pang detalye ng kanyang 2025 Statement of Assets, Liabilities and Net Worth, kabilang na ang kanyang ITRs para sa taong 2023 at 2024.
Tiniyak ni Lacson na isasapubliko niya ang kanyang SALN, meron lang dapat takpan tulad ng mga address.—ulat mula kay Cely Ortega-Bueno (Patrol 19)
