Hinamon ni Communist Party of the Philippines Founder Jose Maria Sison si Pangulong Rodrigo Duterte na sabay nilang ilabas ang kani-kanilang medical records.
Ayon kay Sison, nakahanda siyang ilabas ang kaniyang medical records kung ibubunyag din ni Pangulong Duterte ang totong kalagayan ng kanyang kalusugan.
Sinabi pa ni Sison, dapat magpatingin ang Pangulo sa mga doctor sa Philippine General Hospital at humingi ng certification.
Iginiit din ni Sison na batay sa isinasaad ng konstitusyon, karapatan ng publiko na malaman ng lagay ng kalusugan ng Pangulo.
Dagdag pa ni Sison, malinaw na napilitan lamang si pangulong duterte na putulin ang kanyang pagpapahinga at kinailangang magpakita sa publiko para matigil ang mga haka-haka sa kalusugan nito.
