Hindi sasantuhin ng Land Transportation Franchising and Regulatory Board o LTFRB ang mga may-ari ng kolorum na public transport.
Ito ang inihayag ni LTFRB Chairman Martin Delgra kasunod ng utos ni Pangulong Rodrigo Duterte na arestuhin ang mga driver at operator ng mga kolorum na public utility bus.
Ayon kay Delgra, magpapasaklolo sila sa Philippine Army at PNP Highway Patrol Group upang ipatupad ang utos na iyon ng pangulo sa sandaling may pumalag sa mga ito.
Nag-ugat ang atas na ito ng pangulo matapos mahulog ang isang unit ng Dimple Star sa Sablayan, Occidental Mindoro na ikinasawi ng 19 at ikinasugat naman ng mahigit 20.
