Nilinaw ng Land Transportation Franchising and Regulatory Board na hindi pa aprubado ang dagdag-pasahe sa mga Public Utility Vehicle.
Ayon sa LTFRB, naka-hold pa rin ang pagsasaayos sa kasalukuyang rate ng pamasahe habang hinihintay pa ang resulta ng patuloy na pag-aaral ng National Economic and Development Authority.
Tiniyak ni LTFRB Chairman Atty. Teofilo Guadiz III na ang desisyon sa panukalang taas-pasahe ay isusunod sa rekomendasyon ng department of economy, planning, and development, alinsunod sa regulatory protocols.
Una nang sinabi ng ahensya ang posibleng pagpapatupad ng pisong taas-pasahe sa mga pampasaherong jeep dahil sa patuloy na pagtaas ng presyo ng langis.
