Hindi na ibibigay ni incoming President Rodrigo Duterte sa mga progresibong grupo ang pamumuno sa Department of Environment and Natural Resources o DENR.
Paliwanag ni Duterte, kaya nagbago ang kanyang isip ay dahil seryoso at sensitibo ang mga usaping umiikot sa mining operations sa bansa.
Gayunman, nilinaw ni Duterte na ibibigay pa rin niya sa mga maka-kaliwa ang Department of Agrarian Reform o DAR, Department of Social Welfare and Development o DSWD, at iba pang ahensya ng pamahalaan.
Ayon kay Duterte, ang isa pang leftist na si Silvestre Bello III ay itatalaga naman niya sa Department of Labor and Employment o DOLE.
By Jelbert Perdez