Nakiisa ang Rizal Park sa Ermita sa Maynila para sa isang oras na selebrasyon ng Earth hour 2022 kahapon.
Naging madilim ang Manila landmark habang inilawan naman ng kulay purple ang Rizal monument.
Hudyat ito sa publiko, komunidad at mga negosyo upang makiisa rin sa taunang selebrasyon ng earth hour.
Bago ang pagpatay ng ilaw dakong alas-otso y medya ng gabi kahapon, nagsagawa muna ng virtual roundtable discussion upang pag-usapan ang ilang isyu sa kalikasan. —sa panulat ni Abby Malanday