Nasa 67 estudyante ang na-stranded sa Mati City, Davao matapos bumagsak ang isang tulay sa lungsod.
Dahil dito, hindi makadaan ang mga estudyante ng Buso National High School matapos bumagsak sa kasagsagan ng ulan ang itinatayong tulay sa Barangay Tagbinonga.
Agad namang nagdeploy ng heavy equipment ang City Disaster Risk Reduction and Management Office para rito.
Hinatiran din ng mga tent at iba pang gamit ang mga stranded na estudyante pati ilang commuter.
Inaalam na ng lokal na pamahalaan ang karagdagang detalye sa pagbagsak ng tulay.
