Mahigit na binabantayan ngayon ng mga awtoridad ang ilang kabahayan sa Iligan City na posibleng may kinalaman sa ISIS-Maute terror group.
Ayon kay Iligan City Mayor Celso Regencia, 12 bahay sa kanilang lungsod ang nasa ilalim ng pag-aari ng mga Maute habang 26 naman ang kay dating Marawi City Mayor Fahad Salic.
Matatandaang noong Hunyo ng nakaraang taon ay inaresto si Salic sa kasong rebelyon dahil sa alegasyong sangkot umano ito sa nagaganap na kaguluhan sa Marawi City.
Sinabi naman ng pulisya na marami ng mga bahay ang matagal nang inabandona sa lungsod ngunit nananatili silang nakamonitor dito.
—-
