Patay makaraang pagbabarilin ng riding – in – tandem sa bayan ng Albuera, Leyte ang dating drayber ng pinaka – Malaki umanong druglord ng Eastern Visayas na si Kerwin Espinosa.
Kinilala ang biktima na si Nelson Pepito, 49 anyos, barangay kagawad at nagsilbing drayber ni Espinosa noong 2011.
Ayon kay Senior Inspector Ronald Espina, hepe ng Albuera Municipal Police, nagde – deliver ng mga manok sa isang customer si Pepito sa Sitio Manga, Barangay Seguinon nang biglang sumulpot ang dalawang lalaking naka – motorsiklo.
Tinangka pa aniyang itaas ng biktima ang kanyang kamay upang magmakaawa pero pinagbabaril pa rin ng isa sa mga hindi nakilalang lalaki at nang bumagsak ay pinaputukan pa si Pepito upang matiyak na patay na ito.
