Tinawag na sinungaling ni Justice Secretary Vitaliano Aguirre si Over-All Deputy Ombudsman Arthur Carandang.
Ito’y makaraang ipagwagwagan ni Carandang na hawak niya ang mga dokumento hinggil sa mga bank deposit umano ni Pangulong Rodrigo Duterte na ayon kay Senador Antonio Trillanes ay nagmula sa AMLC o Anti-Money Laundering Council.
Ayon kay Aguirre, malinaw ang naging pahayag ng AMLC na wala silang inilalabas na anumang dokumento na may kaugnayan sa mga bank transactions ng Pangulo.
Duda rin si Aguirre sa tunay na motibo ni Carandang hinggil sa kaniyang pagsasapubliko ng ginagawang imbestigasyon nito hinggil sa mga umano’y tagong yaman ng unang pamilya.
