Tila nagsiguro ang alkalde ng Tampakan, South Cotabato sa isinagawang pagsisilbi ng search warrant ng mga otoridad sa bahay nito.
Ayon kay Atty. Jose Ledda, abogado ng pamilya Escobillo, hinintay pa ni Mayor Leonardo Escobillo ang kaniyang mga abogado, media at barangay officials bago isagawa ang paghalughog sa bahay nito, dahil sa takot na mataniman ng ebidensya.
Bukod dito, ipinabatid ni Ledda na pinakapkapan ni Escobillo ang mga otoridad bago ito pumayag na makapasok sa mga kuwarto sa kaniyang bahay.
Negatibo naman sa droga ang bahay ni Escobillo na una nang umaming mayroon siyang mga baril at sasakyan.
_____
