Tiniyak ng kampo ni Iloilo City Mayor Jed Patrick Mabilog na babalik ito sa bansa ngayong weekend mula sa mga dinaluhang komperensya nito sa ibang bansa.
Ayon kay Atty. Mark Piad, tagapagsalita ni Mabilog, ito’y dahil sa huli na lamang niya nalaman ang hinggil sa Urban Environment Accords Summit sa Malaysia kaya’t nagpasya na itong dumiretso roon mula sa Japan.
Kaugnay nito, iniimbestigahan na rin ng DOJ o Department of Justice ang ulat na nakalabas na rin ng bansa ang pamilya ni Mayor Mabilog.
Ayon kay Presidential Spokesman Ernesto Abella, sinasabing Agosto 31 pa nang umalis sa Pilipinas ang mag-asawang Mayor Jed Patrick at Maria Victoria kasama ang dalawa nilang anak patungong Japan ngunit sakay ng magkahiwalay na flight.
SMW: RPE
