Isang lalaki ang patay matapos na araruhin ng isang SUV ang traffic outpost sa bahagi ng Marcos Highway Dela Paz sa Pasig City.
Ayon sa MMDA o Metro Manila Development Authority, nag-aabang lamang ng masasakyan ang biktimang si Marcelo Julian nang mabangga ng puting Ford Ranger.
Batay sa imbestigasyon, patungong Antipolo ang SUV nang mag-cut ang isang jeep dahilan para mawalan ito ng kontrol at bumangga sa gutter at poste ng ilaw bago tuluyang tamaan ang biktima.
Samantala, nakatakda namang sampahan ng kasong homicide at damage to property ang driver ng SUV na si Al-Arjay Tua.
