14 na lalawigan sa bansa ang nakararanas ng tagtuyot bunsod ng umiiral na El Niño phenomenon.
Batay ito sa rainfall data ng PAGASA mula Setyembre nang nakaraang taon hanggang nito lamang Enero.
Ayon sa Weather State Bureau, sapul sa tagtuyot ang mga lalawigan ng Apayao, Benguet, Cagayan, Cavite, Ifugao, at Ilocos Norte.
Bukod dito, nararanasan din ang epekto ng El Niño sa mga bayan ng Ilocos Sur, Kalinga, La Union, Mountain Province, Nueva Ecija, Nueva Vizcaya, Palawan, at Pangasinan.
Sa inilabas na El Niño advisory number 7 noong Enero 5, iniulat ng PAGASA na patuloy na iiral ang “Strong El Niño” ngayong buwan habang mararanasan naman ang warm event mula Marso – Mayo bago ang neutral conditions mula sa buwan ng Abril – Hunyo. – -sa panunulat ni Laica Cuevas