Hindi pakikialaman ni Justice Secretary Vitaliano Aguirre kung gusto ng kanyang kapatid na si Ogie na maging STL o Small Town Lottery operator.
Sinabi ni Aguirre na wala naman siyang nakikitang masama kung maging operator ng STL ang kanyang kapatid, dahil ligal naman ang numbers game na ito at aprubado rin ng Philippine Charity Sweepstakes Office (PCSO).
Una nang ibinunyag ni Atong Ang na numero unong operator ng STL mula Batangas hanggang Bicol ang kapatid ni Aguirre at humihingi pa umano ito ng tulong mula sa gambling lords, para makapag operate.
By Katrina Valle |With Report from Bert Mozo
