50M halaga ng shabu nasabat sa Matnog Port

Nasabat ng mga awtoridad ang kilo-kilong hinihinalang shabu na nagkakahalaga ng aabot sa 50 milyong piso sa isang kotse sa Matnog Port.

Ayon sa PNP Sorsogon, naghinala ang ilang biyahero na may lamang bomba ang nakahintong sasakyan na biyaheng Samar kayat kaagad nagsumbong sa mga awtoridad.

Nag-positibo naman ang agarang pag-responde ng mga pulis sa tulong ng bomb sniffing dogs.

Nagulat ang mga awtoridad na sa halip na bomba, bulto-bultong hinihinalang shabu o nasa halos sampung (10) kilo ang tumambad sa kanila.

Tini-trace na ng PNP sa tulong ng LTFRB kung sino ang may-ari ng nasabing sasakyan.

By  Judith Larino

Comments

comments