Ipinag-utos ni Philippine National Police (PNP) o PNP Chief P/Gen. Guillermo Eleazar ang rigudon sa ilang opisyal sa kanilang hanay.
Batay sa nakuhang dokumento ng DWIZ patrol, itinalaga bilang Acting Director ng Civil Security Group si P/BGen. Valeriano De Leon.
Habang papalit naman kay De Leon si P/BGen. Matthew Baccay mula sa Eastern Police District (EPD) bilang Regional Director ng Central Luzon.
Na-promote naman at siyang papalit kay Baccay si P/BGen. Orlando Yebra bilang District Director ng Eastern Police District.
Samantala, itinalaga si P/Col. Rolando Destura bilang Acting Executive Officer ng Directorate for Information and Communications Technology Management.
Inilabas ang kautusan noong oktubre 30 at epektibo ang naturang balasan sa hanay ng pambansang pulisya ngayong araw na ito, Nobyembre a-primero.—sa panulat ni Airiam Sancho at sa ulat ni Jaymark Dagala (Patrol 9)
