Inatake umano ng mga hinihinalang New People’s Army (NPA) ang isang grupo ng mga sundalo kasama ang isang non-government organization (NGO) habang pabalik ng Surigao City matapos maghatid ng relief goods sa mga biktima ng lindol.
Ayon kay Capt. Joe Patrick Martinez, Public Affairs Officer ng 4th Infantry Division, pasado alas 8:00 kagabi nang pinagbabaril ng mga armadong kalalakihan ang grupo ni Lt. Ryan Layug ng 30th Infantry Battalion civil military operations kasama ang NGO sa barangay Linunggaman sa San Franciso sa Surigao Del Norte.
Sinabi ni Martinez na mabuti na lamang at walang nasaktan sa tropa ng mga sundalo lalo na sa panig ng mga miyembro ng isang NGO na kasama nila.
Matatandaang nagdeklara ang NPA ng temporary ceasefire sa mga lugar na naapektuhan ng lindol sa Surigao at ibang kalapit lugar para bigyang daan ang relief operations sa mga biktima.
By Judith Larino / Jonathan Andal (Patrol 31)
