Posibleng sa Pebrero pa matanggap ng mga SSS pensioners ang dagdag na isang libong piso (P1,000) sa kanilang pensyon.
Ayon kay SSS President at Chief Operating Officer Emmanuel Dooc, marami pa silang kailangang tapusin sa computation ng mga tinatanggap na pensyon ng mga pensyonado ng SSS.
Gayunman, tiniyak ni Dooc na retroactive o matatanggap rin ng mga pensyonado ng SSS ang dagdag na 1,000 para sa buwan ng Enero.
Sa ngayon anya ay nagpalabas na siya ng direktiba para sa paglalagak ng dagdag na pondo sa mga bangko tulad ng Land Bank of the Philippines.
Bahagi ng pahayag ni SSS President Emmanuel Dooc
By Len Aguirre | Karambola
