Kakatukin ng mga pulis ang bahay at mga pribadong compound na mariringgan ng putok ng baril sa pagsalubong sa bagong taon.
Ito ang mahigpit na direktiba ni PNP Chief Director General Ronald Dela Rosa sa mga pulis para mapanagot ang mga iligal na magpapaputok ng armas.
Sakali aniyang hindi pumayag na magpapasok ang mga taong nasa loob ng bahay kung saan narinig ang putok ng baril, pwersahang papasok ang mga pulis gamit ang doktrina ng hot pursuit operations.
Paalala naman ni Dela Rosa sa mga pulis, tiyaking nakasuot ng kumpletong uniporme at nakasakay sa police mobile kapag gagawin ang pagkatok o pagpasok sa isang lugar na may nagpaputok ng baril.
By: Meann Tanbio / Jonathan Andal
