Idinepensa ni Tourism Secretary Wanda Tulfo Teo ang kaniyang sarili makaraang makatanggap ng batikos hinggil sa kaniyang mga biyahe sa labas ng bansa.
Ito’y matapos mapaulat na bitbit umano ng kalihim ang kaniyang make up artist saaan man siya tumulak bilang bahagi ng kaniyang kampaniya na ibenta ang turismo ng Pilipinas sa ibang bansa.
Ayon kay Teo, hindi make-up artist kung hindi ang EA o Executive Assistant niyang si Angelito Ucol ang lagi niyang kasa-kasama sa tuwing siya’y bibiyahe at inamin nito na kasama rin niya ang kaniyang driver at utility ng DOT sa ilan niyang mga biyahe.
Ipinaalala pa ng kalihim na bagama’t mahigpit ang kautusan ni Pangulong Rodrigo Duterte hinggil sa mga magarbo at magastos na pagbiyahe, bahagi aniya ng kanilang mandato ang bumiyahe subalit kanilang tinitiyak na nakasusunod sila sa mga pamantayan.
Posted by: Robert Eugenio