Sinegundahan ni Surigao Del Sur Rep. Johnny Pimentel ang paghahain ng panukala sa Kamara para pigilan din ang pagdaraos ng halalang pambarangay at SK o Sangguniang Kabataan sa Mayo ng taong ito.
Ayon kay Pimentel, nais niyang makatiyak na magiging kapani-paniwala ang magiging halalan kung mayruon aniyang sapat na panahon ang COMELEC o Commission on Elections para paghandaan ito.
Batay sa panukala ni Pimentel, sa halip na Mayo, nais niyang idaos ang naturang halalan sa darating na Oktubre ng taong kasalukuyan na pareho sa inihain ding panukala ni Mindoro Rep. Reynaldo Umali.
Pero ayon kay Umali, dapat isabay sa nabanggit na halalan ang plebesito na nagra-ratipika naman para sa bagong saligang batas sa sandaling aprubahan ito ng kaniyang mga kapwa mambabatas.
Posted by: Robert Eugenio