Natapos na ang maliligayang araw ng mga mistulang hari sa New Bilibid Prison (NBP) mula nang simulan ang reformation program doon.
Ayon kay General Rolly Asuncion, Hepe ng Bureau of Corrections (BuCor), maging ang attitude ng mga preso ngayon ay nagbago na kasama na ang sinasabing astig ng NBP na si Jaybee Sebastian.
Sa katunayan, sinabi Asuncion na sumulat pa si Sebastian sa kanyang asawa para sabihing tunay na preso na ang pakiramdam niya ngayon.
Naka-uniporme na anya ngayon ang mga preso at pagpatak pa lamang ng alas-6:00 ng umaga ay sumasalang na sila sa exercise.
Bahagi ng pahayag ni General Rolly Asuncion ng BuCor
Samantala, sinabi ni Asuncion na binago na nila ang oras ng pagbisita sa NBP.
Dalawang oras lamang anya ang nakalaang oras ng pagbisita sa kada linggo sa mga nasa maximum prison cell, apat na oras kada linggo para sa mga nasa medium at anim na oras para sa mga nasa minimum.
At bagamat ipinagbawal anya nila sa ngayon ang conjugal visits, sinabi ni Asuncion na pinag-aaralan nilang ibalik ito dahil nakakaapekto ito sa kaisipan ng maraming mga preso.
Bahagi ng pahayag ni General Rolly Asuncion ng BuCor
By Len Aguirre | Ratsada Balita
