Isang factory ng mga hinihinalang pekeng sigarilyo ang sinalakay ng PNP-Criminal Investigation and Detection Group-Central Luzon sa Guiginto, Bulacan.
Nadiskubre ng mga operatiba ng CIDG ang factory na nagkukubli lamang sa isang warehouse.
Narekober sa naturang lugar ang mga pekeng seal at tax stamps na sinasabing ginagamit upang mag-manufacture ng mga pekeng sigarilyo ng ilang brand.
Pinaniniwalaang ipina-rehistro ang factory ng isang Tsino na pinaghahanap naman ng mga awtoridad.
Samantala, iniimbestigahan na ng CIDG ang asawa ng dayuhan at nasa pitumpung (70) factory worker.
—-
