Tiniyak ng Armed Forces of the Philippines (AFP) na planado na ang kanilang mga inihahandang security measures para sa nalalapit na Asia-Pacific Economic Cooperation (APEC) leaders meeting sa gaganapin sa susunod na buwan sa Metro Manila.
Ayon kay AFP Spokesperson Col. Restituto Padilla, handa na ang pilipInas sa pag-host ng nasabing event.
Nailatag na rin ang mga seguridad para sa mga manggagaling na lider ng malalaking bansa.
Dagdag pa ni Padilla, mananatili ang buong military security blanket simula sa November 13 hanggang sa matapos ang APEC sa November 19.
Sumasailalim na ang AFP’S Joint Task Force-National Capital Region (JTF-NCR) sa mga pagsasanay na tinawag nilang “CBRNE” threat o chemical biological radiological nuclear and explosives risk.”
Ayon kay JTF-NCR Deputy Commander Col. Vic Tomas, ginagawa ang naturang pagsasanay upang masiguro ang mabilis at siguradong pagresponde sa krisis na kanilang kakaharapin.
By Mariboy Ysibido