Hindi pa kampante si Vice President Jejomar Binay sa kabila ng pangunguna nito sa presidential surveys.
Ayon kay dating Cainta Mayor Mon Ilagan, Spokesman ni Binay, tuloy-tuloy pa rin ang ginagawang pag-iikot ni Binay kasama ang buong slate ng UNA o United Nationalist Coalition upang ipaabot sa taongbayan ang kanyang plataporma.
Sinabi ni Ilagan na hindi na dapat pagtakhan kung bakit nangunguna si Binay sa mga surveys dahil kilala itong lamang kalye o ground warrior.
Naniniwala si Ilagan na ang naka-ugaliang ito ni Binay ang hahatak sa lahat ng mga kandidatong sinusuportahan niya sa UNA.
“Ganyan ang feeling ng lahat ng kandidato, hanggat hindi natin nalalaman yung final result ng election, ang tunay na survey ng bawat Pilipino ay yung pagdating ng resulta ng bawat eleksyon, kung ganun man ang estado ni Senator Gringo Honasan, naniniwala po kami na puwede pong madala o matangay ng tinatawag na command vote.” Pahayag ni Ilagan.
By Len Aguirre | Ratsada Balita