Hinihiling ni House Public Accounts Vice Chairperson Angelica Natasha Co sa Department of Education (DepEd) at Commission on Higher Education (CHED) na isapubliko ang vaccination status sa mga eskwelahan.
Ani Co, mahalaga ang full disclosure kung gaano na karami ang fully vaccinated, partially vaccinated, ayaw magpabakuna at hindi makakuha ng bakuna sa interes ng publiko dahil ang impormasyon ay gagamitin sa budgeting purposes at operations planning ng CHED, DepEd, TESDA at DOST.
Kasunod aniya ito ng pag-arangkada ng malawang pagbabakuna sa mga menor de edad sa buong bansa at pagsisimula ng limited face-to-face classes.
Samantala, hinihingi rin ng kongresista ang statistics sa mga paaralan kung ilan ang mga nagkasakit ng COVID-19, na-ospital at namatay. —sa panulat ni Airiam Sancho
